Европ стандартын, дулааны алдагдалгүй цонх хаалга үйлдвэрлэгч МАК Евро Виндоор үйлдвэр бүтээмж нэмэгдүүлэх нэн шинэ, дэвшилтэт технологи бүхий автомат будгийн цехийг угсарч, ашиглалт орууллаа. Ингэснээр хэрэглэгчдэд өнгө үзэмжийн өргөн сонголттой бүтээгдэхүүнийг хэрэглэгчдэдээ хүргэж эхлээд байна.
Тус будгийн цех нь Итали улсын Cefla брэндийн тоног төхөөрөмжөөр тоноглогдсон тул бүтээгдэхүүний хэмжээ, загварыг өндөр нарийвчлалтай мэдэрч, богино хугацаанд өөгүй жигд будах чадвартай. Мөн iGiotto брэндийн робот гар нь бүтээгдэхүүний бүх талаас өндөр чанартай, удаан тогтоцтой будалтыг хийж гүйцэтгэх боломжийг олгож буй юм.